مرکزی ایجنسیوں کی اچانک چھاپہ ماری مہم سے برنپوراور آسنسول میں مچی کھلبلی

ترنمول کے سابق ایم ایل اے سہراب علی،دھرمپور کے تاجر سید امتیازاحمد اور آسنسول کے تاجر مہندر شرما کے گھروں پ

آسنسول ۔سنٹرل انکم ٹیکس ڈپارٹمنٹ کی ٹیم نے مغربی بردوان ضلع کے رانی گنج میں بلڈر اور ریت کے تاجر مہیندر شرما اور ترنمول کے سابق ایم ایل اے سہراب علی اوربرنپور کے ٹھیکیدار سید امتیاز احمد کے گھر اور دفتر پر چھاپہ مارا۔ انکم ٹیکس ٹیم نے ریاست بھر میں کل 35 مقامات پر چھاپے ماری۔ آج صبح 5:20 بجے مرکزی ایجنسی نے آسنسول اور کولکتہ میں ان کے گھروں اور دفاتر پر بیک وقت چھاپے ماری کی مہم چلائ۔ رانی گنج کے ترنمول کے سابق ایم ایل اے سہراب علی مغربی بردوان ضلع کے آسنسول برن پور علاقے کے رحمت نگر میں رہتے ہیں۔ مرکزی تفتیشی ایجنسی بدھ کی صبح 5.20 بجے مرکزی فورسز کے ساتھ ان کے گھر پہنچی۔ تفتیش اور سرچ آپریشن شروع کر دیا گیا۔

اس کے کچھ ہی دیر بعد یہ بات سامنے آئی کہ مرکزی تفتیشی ایجنسی دھرم پور، برن پور میں رہنے والے ترنمول کے حمایت یافتہ تاجر امتیاز احمد کے گھر اور دفتر پہنچ گئی ہے۔ یہ بھی معلوم ہوا ہے کہ مرکزی تفتیشی ایجنسی کی ٹیم نے کولکتہ کے پارک اسٹریٹ اور توپسیا میں ترنمول کے دونوں لیڈروں کے گھروں پر چھاپہ مارنا شروع کر دیا ہے۔ اس کے علاوہ مرکزی تفتیشی ایجنسی کی ٹیم آسنسول کے ایک اور بڑے تاجر مہندر شرما کے گھر اور دفتر اور امتیاز کے قریبی سوجیت سنگھ کے گھر بھی تفتیش کے لیے پہنچی۔ مذکورہ بالا دونوں افراد آسنسول میں کافی بااثر سمجھے جاتے ہیں۔ سابق ایم ایل اے سہراب علی کی اہلیہ نرگس بانو اس وقت آسنسول کارپوریشن کے وارڈ نمبر 82 کی کونسلر ہیں۔ بتایا جاتا ہے کہ ترنمول کے دونوں بااثر رہنماؤں کے آسنسول سے کولکاتہ تک پھیلے ہوئے مختلف کاروبار اور پیشے ہیں۔